2015年7月22日星期三

月供股票 201507


當人人都講七翻身既時候,七月初中港股票市場經歷一個大跌市,恆指單日跌過二千點,驚心動魄!不過之前已沽出大部分股票, 收回本金, 令今次調整浪可以安然渡過, 再加上7月係豐收月, 823 939 都在本月派發股息, 將會有更多資金作日後月供之用. 而因為外圍不明朗關係, 亦令今個月月供的買入價比上月便宜很多, 真係出乎意料! 更明白到風險管理是很重要的! 鎖定利潤, 儲存零成本的股票, 再而收取股息, 就是我的投資策略.大前題當然是揀選的股票能夠令人安心持有!


另外之前提過的子女教育基金, 由成立至今已四年(已經四歲了), 今年股息收入都有約5千元, 開始至今己收取過萬元股息, 當然收到的股息會投放回計畫中, 利用他們的利是錢 加上股息回報, 複式效應下希望可以跑贏坊間一些教育基金!成功如否?!18 年後再告知!

12 則留言:

  1. 我沒特意為子女成立教育基金。
    當然儲錢投資這事,每天都在做。

    回覆刪除
    回覆
    1. 只作一個紀錄, 好讓他們長大後可以翻閱

      刪除
  2. 嘩!每次有幾萬蚊月供股票,勁!

    回覆刪除
    回覆
    1. 哈! 來來去去都係果舊錢…

      刪除
    2. 唔好意思,我唔明(來來去去都係果舊錢)的意思呀
      是股息再投資??但幾萬蚊月供太厲害啦!!

      刪除
    3. 有一部份是股息再投資, 而另一部份就是將賣出股票收回本金再投資…

      刪除
    4. 謝謝解答!! 不過我要時間消化下,哈哈

      刪除
    5. 好丫…有問題可多作交流…加油!

      刪除
  3. 你的月供投資組合不錯!
    405是我的愛股,由兩個幾一直儲到現在。405手持廣州IFC、白馬廣場等有強現金流、有潛力的資產,特別是廣州IFC,出租率今年應可達95%以上的正常水準平。

    回覆刪除
    回覆
    1. 岩呀, 我都係睇中佢的廣州IFC, 而且有7厘回報實在不錯!

      刪除
  4. 你好 ,請問呢 我係90後 打算每月供2000$
    應該買保守小小的 建設銀行 定 騰訊 好?

    回覆刪除
    回覆
    1. 選那支股票前, 應對該股票加以認識; 是增長股? 是高息穩建股? 是悶股? 加油, 希望日後可多多交流

      刪除