2014年12月30日星期二

2014 年結

隨著收取A50 股息後, 本年度既股息收入已經完成, 可以做個總結:

月供股要依然係投資主力, 年初時持有66, 939 2823(A50), 823, 當中因市況而整合, 今年最大的兩個變動是沽清停供66 及沽出A50, 收回成本, 這兩個動作令到現金水平增加到百分之五十, 令明年有足夠資金繼續月供股票, 當中會增加一隻股票作長線投資, 初步考慮405! 總括來說, 今年年尾A股大牛市而令組合中A50 得以回升, 由年初-2X% 回升至+10%, 從而可以賣出收回成本, 喜出望外! 展望月供組合不斷優化, 務求令組合在安全線上賺取股息回報!

今年四月開始認購了債券基金, 目的係希望可以好似物業收租咁, 每月產生現金流, 同時又向銀行申請了基金抵押貸款, 目的係將債券基金共桿化, 利用低息環境, 賺取息差, 不過依然有買基金既通病~賺息蝕價!

連同樓按戶口活期利息, 今年度淨息差平均為六千多元一個月, 對我來說已經不錯, 可以為我既薪金增值!

2014年12月18日星期四

月供股票 201412


本年度最後一個入貨, 最喜出望外就係人行係11月尾宣佈減息, 令到資金流入股票市場, A 股係短短半個月已經升左兩成有多, 令到A50 都升回接近我既家鄉價, 令整個portfolio 已變成正回報! 另外A50 亦公佈本年度派息為HKD$0.25, 回報率約2.2%!

823係月初 因納入成為恆指成份股後, 股價一度升穿50元關口!

939 H 股比A股本應有溢價, 因A股近日既上升而變成折讓了!




2014年11月18日星期二

月供股票 201411



11月份既月供係確定滬港通開通日期之後入貨, 入貨價跟前一個月已經高了不少, 另外823 領匯公佈納入恆指成份股後, 股價已到了歷史高位, 同時亦公佈派發中期股息: HKD$ 0.8956, 增長12%, 成績令人滿意

今個月月供組合有所變動, A50 由今個月開始從新開始, 初步金額為$5000, 取代66, 而66 亦係今個月全數沽出, 收回成本後, 將作日後月供之用, 另外 所得利潤大部分已經投資去子女既[教育基金] 了!

939 也公佈第三季業績,成績滿意,期待下年派息增長,會繼續月供!

2014年11月7日星期五

[ 轉載] 長期投資首重股息


15年前盈富基金(2800)上市,當年我很積極地向股友們推薦,並以1964年恒指創辦時的100點與盈富基金上市時的水平比較,得出的結論是,過去恒指每年複合回報率逾10厘,另加約3厘的股息,的確是很不錯的長期投資工具。

揸盈富回報不錯
昨日為慶祝盈富基金上市15周年,《蘋果》做了一個專題報道,發現盈富基金在過去15年的複合回報率只有7厘,低於我於15年前的期望,不過,特別過去六年,銀行利率接近零水平,長期持有盈富基金該是不錯的長期投資工具,更特別適合長期定額投資,即不論股價升跌,每個月一領工資,就投入固定的工資比率買盈富基金,由年輕時買到退休,回報必定能令你滿意。

不過,我們取兩個固定點來計算長期回報率,實際上也不太可靠,也不太合理。

舉個例,若我們以2007年10月的高位來計算盈富基金的長期回報率,那麼複合回報率肯定遠高於7厘,相反,如我們以2008年10月的低位來計算,則長期複合回報率變成負數,因2008年10月,盈富基金的價格比1999年上市時更低。

因此,上述的計算,實際上並不科學,對真正的長期投資者而言,唯一實在的回報是收股息,股息才是真正放入口袋裏的錢,一個人如果每年收股息的收入,相等於或超過他的工作收入,這個人就達到了真正可以不必為五斗米折腰的境界,因為他已經有了五斗米,是財務自由的人。

曾淵滄

*********************************************************************************

太太因全職照顧小朋友閞係, 數年前已經辭去做了十多年既工作, 拿了一筆[退休金], 因係負利率下, 係數年前也將她的[退休金]作月供股票投資, 其中一隻也是2800 盈富基金, 利用平均成本法同接近零風險下, 希望能夠將它增值...

2014年10月18日星期六

月供股票 201410



今個月因種種負面因素(佔中事件, 美股大幅調整, 滬港通開通無期)影響下, 香港股市亦大幅回調, 月供入貨價亦比上個月相對便宜, 呢個都唔係一件壞事丫(感覺上….)

今個月比較特別既係66 岩岩好供到整數股, 決定下個月開始停供, 將資金轉供A50, 希望可以係滬港通開通後, 股價有好既表現.

其餘939 同埋823都會繼續月供, 期待第三季與中期業績公佈!

2014年9月17日星期三

月供股票 201409



經過8月份一輪[滬港通]效應升市後, 9月份大市有所回落,之前既利好消息好似消化晒, 調整不少,  特別係內銀股, 入貨價反而比上月仲要低, 非常好!

66 公布派中期息跟上年一樣, 派HKD0.25, 都有以股代息!

939 同823基本因素依然不變! 市場升升跌跌真係好難估, 月供股票真係幫輕咗唔少心理既影響!


2014年8月18日星期一

月供股票 201408


又係時間UPDATE 下月供股票, 今個月特別起勁, 原因當然係939 係今個月8號派發股息啦, 記得當日太約係2:30PM, LOG-IN 戶口時, 發覺戶口結餘多了, (HSBC 股息派發多數係4:30 後先收到), 比原本早兩個多小時收到股息, 非常高興, 哈!

66 已經減注, 不過仍會繼續月供;而823 就係今個月開始加注1000蚊, 而佢既股價就不斷上升, 最近仲話823 會納入恆指添, 到時股價可能又再一次升天喇!

收埋最大舊回報既內銀股股息, 今年回報大約4.5%, 不過不失! 最近股樓齊升,如何減低風險係未來著手研究的問題!

2014年7月16日星期三

月供股票 201407


踏入7月入息豐收月, 先後收到66 以股代息既117股及823 股息約$900大元, 雖然823 因為之前賣出收回成本後而股息大減, 但呢D股息係接近零成本下所得到, 可以講係無本生利!

今個月開始66 既月供金額減半, 計劃將資金轉供回報比較高既823, 希望可以用最短時間儲最多零成本既股票, 令到可以係高風險既股票市場中舒緩壓力!

939 今年派息日為8月8日, 比以往7月中派息為遲, 真係等到頸都長!!



2014年6月23日星期一

月供股票買藍籌 1000蚊都有交易

看過我們的「90後新手入門」那三章,開始對股票、開戶有初步的認識,是否想穩穩陣陣買番一、兩手藍籌股?不過,初出茅廬的你資金可能有限,買一手滙豐(0005)、中移動(0941)入場費最少要3萬多元,豈不是望門興嘆!千萬不要氣餒,市面上也有適合你的「月供股票」計劃。 

「月供股票」顧名思義,即是每月以定額投資方式,供款買入所選擇的股票,入場費可低至每月1,000元。一般是集腋成裘,基金集合眾多散戶的資金,買入股票後按比例擹分權益。對很多人來說,特別是投資初哥,月供股票是一個很好的儲蓄機會。

月供股票的好處最重要是「平均成本法」效應,因為股票價格會隨市場價格浮動,所以每月買入的單位和價格均會不同。每月買入一點「碎股」,久而久之,便能發揮「平均成本法」的效應。


長線投資享平均成本效應

原理並不複雜,因為你是每月定額供款,當股票價格上升時,買入成本高了,你買入的股票會較少 。反之,當股價下跌時,買入成本低了,同樣1,000元,你能買入較多股票。

就以港鐵公司(0066)為例,市價29.45元,每手500股,入場費14725元。

如以月供股票買入,設定每月買入1000元「碎股」,於這個價位,1000元可買入34股;到7月時,若港鐵股價升到35元,同樣是1000元,只能買入28股。

兩個月合共買入62股,總成本2000元,平均每股成本價是32.26元。

整個操作自動在愈高的股價時買入愈少股票,愈低的股價時買入愈多。

長遠來說,股票的平均買入價都會較低,投資者不需要掌握市場亦能做出「低買高賣」的效果,但當然不會是「最低位買、最高位沽」喇!不過,摸頂買入的機會亦相對減低,好處是將投資風險有效降低。

20071016_月供股票

當然,每件事情都有兩面,決定參加月供股票前,仍然有幾點要留意的:


1. 留意銀行或券商的手續費

不同銀行或券商會有不同的月供股票名冊,包括恒指成分股、成交活躍的股份以及一些ETF等,投資者要看清楚,細選心儀股票才作投資決定。

此外,亦要留意通常月供股票的供款愈少,手續費比例就會愈高。

舉例來說,中銀香港的月供股票計劃,同一個計劃每月供款最少1000元,最多可選兩隻股票,手續費為供款額0.25%,但設最低收費50元。要每月供20000元,才能享受到0.25%手續費,假如每月只供1000元,手續費相當於5%,即使當中已包括經紀佣金、印花稅、聯交所交易徵費等連串交易費用,實際仍相當「拿脷」。

還有一點要注意的是,假如你選多過一隻股票,中銀香港是按每個計劃算手續費,如1000元可供兩隻股票為一個計劃、1500元可供三隻股票也是一個計劃,每個計劃收50元手續費。

到了恒生銀行,同樣是每月最低供款1000元,手續費也是供款額025%或最低50元,手續費卻是逐隻股票計,每月每隻收50元,兩隻就要收100元。假如你真的月供1000元買兩隻股票,每月手續費便高達10%,非常不划算,所以要看清楚條款才決定供多少隻股票了!

其他如調整每月投資額或投資組合、終止計劃,是否需額外收費也要留意。


2. 要慎選目標股份

月供股票是專為經驗尚淺或風險承受能力較低的投資者而設,投資者基本上月供得,就預了這會是一個長線投資。因此所選股份穩健性是重要考慮,而公司本身的盈利能力應要有穩定增長。

若想供多於一隻股份的話,視乎券商或銀行提供的股票選擇,最好是選擇不同行業的股份,讓投資組合多元化。


3. 留意公司市盈率

市盈率一詞在「90後新手入門:買股要識十件事」已有解釋。這裡簡單重温一下,市盈率可反映投資回本期,例如市盈率是5倍,假設每股盈利不變,即投資者要持股5年才回本。因此,當市盈率愈低,可考慮增加月供款額;當市盈率愈高時則要減低供款了。


http://bastillepost.com/hongkong/%E9%99%B8%E7%BE%BD%E4%BB%81%E7%90%86%E8%B2%A1/%E6%9C%88%E4%BE%9B%E8%82%A1%E7%A5%A8%E8%B2%B7%E8%97%8D%E7%B1%8C-1000%E8%9A%8A%E9%83%BD%E6%9C%89%E4%BA%A4%E6%98%93%EF%BC%81

2014年6月13日星期五

月供股票 201406


823 係今個月出未期業績, 成績令人滿意, 同時我亦沽出部分823, 收回成本及今期之利息, 而剩下黎的股票 (零成本), 再繼續滾存, 繼續月供, 減低風險! 

66 近期受到工程延誤等負面政治消息導致日日上報紙頭條, 同時亦宣佈加車資票價後, 股價大致受到支持! 有報導指政府正積極研究收回66土地發展權, 令66 只好做回運輸本業, 受到不明朗的因素下, 由下個月起將月供金額減至5000, 靜觀其變, 再將差額加大到823, 順便優化資產回報!

939係除淨前最後一次入貨, 初步計算有約5.8% 回報

2014年5月16日星期五

月供股票 201405


66 已申請以股代息, 應該7月份收到!
939 要到7月2號先除淨, 好心急,好期待~七豐收!
823 將會於6月4號公布業績, 亦都期望增加派息!
繼續好悶咁月供!


2014年4月15日星期二

月供股票 201404



4月份既月供前一日, 中央落實互聯互通政治, 下午已經將大市炒上, 心想今個月既入貨價一定又會貴, 但出乎意料地入貨日竟然係跌, 入貨價相對較平, 非常之好!

939 全年業績公布, 派0.3 人仔息, 大約有0.375 HKD, 有11.9%增長, 在一遍睇淡的情況下交到呢個成績表, 當然收貨, 期待7月派息! 係3月尾股價曾經跌穿52週低位, 人心惶惶下只係入左少少, 而係5.50 時已經沽左了, 自問自己既定力真係唔夠, 都係靠月供先幫到手….

66 同823 股價都回升不少, 而66 係除淨前最後一次入貨, 決定以股代息, 賺取之後更高回報!

今個月開始, 月供股票既資金係由加按套現既錢去支付!




2014年4月7日星期一

轉載 [人到五十 財務自由]

很喜歡閱讀陸羽仁的[人生系列], 繼有[營運人生], [羊兒哀歌],[炒巧], 不要做弱者] 和最近的[人生如搞公司], 都是令我有深切的反省同體會, 非常之有用. 最近他在巴士的報既專欄又寫了一篇非常好的文章, 轉載一下:

[人到五十 財務自由]

朋友甘仔係高級打工仔,鑽石王老五,賺幾多使幾多,人到四十幾都係租樓住,月租4、5萬係咁租,我睇到都肉痛。佢唔止唔儲錢,仲鐘意成日炒股。佢讀會計出身本來應該好識計數,但唔知點解炒股輸多贏少,可能輸得多,最近突然問我投資到底為乜? 佢好似茫無頭緒。我估佢咁迷茫主要因為炒股常輸,但我今期亦可講講投資的終極目標。
投資當然唔係為投資而投資,為炒而炒。我認為投資的總終極目標都係為咗happy。點樣才算happy?按陸羽仁的定義係,係達到財務自由的境界,下半生生活無憂,就可算happy,投資亦都到岸。

怎樣才稱得上財務自由?其實要求亦唔係非常高,只要能夠在退休時,唔使去憂柴憂米,問政府攞救濟,可以嘆住杯紅酒,計吓自己的財富,夠用到「收工」都唔使憂嘅,就係財務自由啦。(我搞緊個退休計數機,幫大家計吓要幾多錢才達到此目標)

講番我自己的經驗,自己在20幾、30歲的時候,已經諗緊呢個問題。當時太座聲稱,佢做到四十歲就要退休。我自問沒有這樣的福氣,當時希望做到50歲,可以退休,於願足矣。於是定下目標,爭取50歲財務自由,之後嘆世界又得,做自己喜歡做的事情又得。到今天,我有幸講句,我的目標已經達到了。

作為過來人,我認為做到50歲財務自由的關鍵,係「今日準備,決定未來」,所以須早為之計,最好由20幾歲就開始。我認為方向主要有三個,第一係增加工作現金流。將自已當做一家公司,試想想,如果公司生意做得穩打穩紮,有現金源源不斷地流入,能夠不斷壯大,自然掂啦。但如果這家公司,主業唔理,不斷經營副業,搞這搞那,時賺時蝕,公司好難做大。所以年青人要以工作為先,炒股為副,先投資好自己的事業。想清楚自己長遠要做什麼,有什麼目標,如何達到該目標,現在的工作估計到達唔到自己目標的,就要趁早改行啦。

第二,係儲蓄。現實中,辛苦賺來的錢,在日常的生活開支,交埋稅之後,好多人所餘無幾,因為若無節制,隨時使大咗都唔知。阿甘就係呢種例子,賺得多,花得更多,我其實懷疑佢係淨負債。我後生時已定下了目標,每月一定要儲起人工的50%以上。當初賺得唔多,的確好難,要好有定力。我用的方法頗為原始,但好有效,就係下下計住使幾多。我用錢一定去「襟機」,唔用信用卡,儲起襟機單,一個月就知道用了幾多錢。一超標就節流。

到後來人工高了,儲錢就比較容易,不過,我使錢一定按照「收入與支出不相稱」呢條原則。就係消費水平一定比同儕為低。大家可以睇睇同自己收入水平差唔多階層,他們的消費模式,或薪金與支出比例,用得比他們少就可以啦。譬如人家住山頂,我就住山腳,佢住香港,我住九龍,餘此類推。大家要記住,自住樓,屬於消費一種。我問阿甘佢一個月使幾多,佢根本唔知,用信用咭仲要俾「最低還款額」,賺咁多錢都要借信用咭,仲俾緊10幾厘息!
 
第三、係投資。投資對年青人而言,最大的優勢係時間長。可以享盡「複利」的無窮威力。同係5%的回報,60萬元的本金,儲蓄20年,連本帶利有162萬,但係,多10年時間,連本帶利變成258萬!

我年青時的投資傾向係不斷買樓,在香港及外地買樓。買了樓向銀行貸款,租金收入又抵消了部份月借款,補錢部份當係儲蓄。當時的想法好簡單,我買一間300萬嘅樓,首期100萬,做10年按揭。10年之後,即使樓價唔升,我已經擁有那間樓。固然啦,買樓都講彩數,當時的300萬樓,依家已經升到過1000萬,不過,樓市在期間都出現大波折,大上大落。買樓比起買股票的最大好處係,買賣樓宇好麻煩,唔會手震震就沽咗間樓啦。不過現在樓價太貴,年青人買樓投資的方式已經唔太可行,不過,當中的道理其實一樣,可以不斷買入可供長揸的資產,例如優質的股票。因為企業有借貸,股票本身也有槓桿效應,當然揀股就要非常小心,唔可以買廢股啦。

只要做足上述三點,要達到50歲財務自由,並不困難。有網友有話,我已經4、50歲啦,仲未可以財務自由,豈不是好大鑊?咁又未必,且聽我下周再分解。

陸羽仁
http://www.bastillepost.com/hongkong/%E9%8C%A2%E8%B2%A1%E4%BA%8B/%E4%BA%BA%E5%88%B0%E4%BA%94%E5%8D%81-%E8%B2%A1%E5%8B%99%E8%87%AA%E7%94%B1?r=w

2014年3月30日星期日

建設銀行 公告及通告

本行2013年利潤分配方案如下:
1. 以本行2013年稅後利潤人民幣2125.19億元為基數,按10%的比例提取法
定公積金人民幣212.52億元;
2. 根據財政部修訂後的《金融企業準備金計提管理辦法》(財金[2012]20
號),計提一般準備金人民幣151.89億元;
3. 向全體股東(於2014年7月9日名列股東名冊的股東)派發2013年度現金
股息每股人民幣0.300元(含稅),現金股息總額人民幣750.03億元;
4. 2013年度,本行不實施資本公積金轉增股本。

2014年3月15日星期六

月供股票 201403


66 剛公布全年業績, 在物業收益大跌情況下仍交出不俗成績, 而經常性收益亦有增長, 帶來末期息0.67 HKD (全年息為0.92 HKD), 按年增長16.5%, 股息率約3%! 對我來說股息作為交通費補貼也不錯吧!
大市不景氣, 內銀股仍然沒有起色, 939 入貨價係近年新低, 人棄我取, 希望將來可以帶來豐厚的回報! 各BLOG友, 加油呀! 期待業績公布!
另外, 預算既月供的資金已經用完, 還未決定停供減注或是用後備資金繼續營運, 一切留待月低才決定吧!


2014年2月20日星期四

對月供股票的看法 II 案例研究



股息
股數 派息率 除稅及手  續費後
Jul-06 5777 0.015 75.664 0.4%
Jul-07 20340 0.094 1725.760 2.2%
Oct-07 22799 0.144 2957.921 3.1%
Jul-08 29494 0.074 1952.295 1.4%
Nov-08 33219 0.113 3373.078 2.1%
Jul-09 42160 0.085 3241.720 1.6%
Jul-10 51902 0.208 9650.564 3.7%
Jul-11 60994 0.255 13928.132 4.4%
Jul-12 70815 0.290 18420.280 4.8%
Jul-13 80211 0.337 24206.356 5.6%
Jul-14 88023 0.375 29559.224 6.2%

不知不覺月供939已經8年了,試以每月5千元月供金額做個案例研究, 得到成績如上:

註: 不計算2010年12月供股數目

8年之間總成本為48萬, 供買入股數為88023股, 平均買入價為5.453, 以2014 年2月19日收市 5.40價計 算, 回報為-0.42%, 這個回報不算得令人滿意, 但是再看看股息回報, 扣除10% 股息稅和0.5%代收手續費後,近年亦有4.X-5.X5 回報, 這個都是價值投資的真正回報, 如果當初把股息再投放, 回報定必更理想!
將回報數字化, 即係每年有將兩萬多元收入, 等於一個月花紅了! 如果將這計畫持之以恆, 股息變成支薪是指日可待的事情!

**********************************************************************
剛公布2013年度股息為0.3 人仔, 大約0.375HKD! 更新後, 今年7月會收到股息約2.9萬, 息率為6.2%

2014年2月17日星期一

月供股票 201402


經過一,二月大市調整後,入貨價相對便宜! 等待三月份業績公布帶來的驚喜。
另外今個月係Citi bank 開啟投資戶口 (本身已有出糧戶口) ,原因係它有「一世免佣」,當中當然有附加細節,幸好還有時間考慮,再作安排!


2014年1月16日星期四

月供股票 201401



新一年又開始, 希望各BLOG友能夠盡快財務自由啦!  而我又繼續好悶咁月供, 好悶咁等收息….

上個月823 收到既股息而加大月供金額, 而又因為懶得去銀行搞減注手續, 所以今個月起增加金額為每月15000!

其他月供冇變, 繼續儲蓄資產!

2014年1月6日星期一

對月供股票的看法

止凡兄分享了他對月供股票的看法:
http://cpleung826.blogspot.hk/2014/01/blog-post_9955.html

我這個月供股票支持者當然要分享自己的看法:
早在06年已經在匯豐銀行做月供股票 ,由$2000 月供939 建行 開始。 正如止凡兄所講,如果手續費每月是$50的話,手續費就是2.5%了,比一般買入股票為高,還有每月收取存倉雜費$25 (無論股票是月供或一般買入都要收取), 成本的確比正常買入股票為高! 但是在2010年6月28日起, 匯豐銀行推出「永久豁免佣金」優惠,以每隻股票每月投資供款上限為$20000, 即係話月供多少隻股票也好,只要每隻股票月供不超過$20000, 都是免佣金的,每月只收取$25 存倉雜費,變相大大降低投資成本! 除手續費外, 還有代收股息費0.5%, 最低收費$30元,如果揀選月供的股票一年派發四次息的話,代收股息手續費為一 年$120了,這個都會影響投資回報!     
 
不少blog 友都有問我為何要選擇月供,理由很簡單,就是買入時不需要考慮心理因素,機械式操作,達到財務自由! 如果作一般股票買賣, 好容易令自己只會係股價上既追逐。當月供股票儲到一定資產的時候,如何優化這個股資計劃也相當重要,亦都係未來日子的目標!

2014年1月2日星期四

2013年回顧


事業篇: 五月份[被升職]之後, 人工只有單位百分點既加幅, 但係工作壓力就以倍數咁增加, 如果可以再揀, 一定唔會升職! 亦因為呢次升職, 令我有加快完成財務自由的念頭!

投資篇-樓宇:七月份成功為自住樓轉按同埋加按, 簡單地既可以不賣自住樓又可以賺取樓市升浪, 為第二層物業作準備!

投資篇-股票: 依然係投資主力, 以月供股票形式儲蓄資產, 2013年股息收入為$40476.27, 平均一個月有$33XX, 自制加人工! 而散買投機既股票依然坐艇, 大約輸緊6%!

總結: 今年初開始知道[財務自由]呢個TERM, 跟住係網上博客認識好多有料之人, 無論係買樓既, 股票投資既, 都係佢地身上學到一D自己一定諗唔到既財務知識, 比起睇生果日報同埋各大討論區來得實際有效!多謝你地無私奉獻! 自己都開始用BLOG 記低自己月供股票投資, 作為一個資產增值的一個記錄.