月供股票 201308

又過左一個月， 機械式每月買入股票早已習慣，被身邊的人話這種投資非常之沉悶，又冇股價倍升的興奮，但係對我嚟講，投資市場愈悶愈好，寧願可以係低位買入優質股票，每年收取5%股息已經足夠了！
939 ,近排被消息影響，股價時高時低，等待中期業後會明朗啲！
823, 以股代息，收到54 股， 複式效應下，希望日後都有五厘回報啦 !
66, 基本因素冇變，繼續收集， 期待中期業績公布！
另外，呢個月開始， 月供股票投資金額已經進入7位數字，進入另一個里程！ 本人會繼續努力，向財務自由進發！.........

月供股票 201307

經過五窮六絕後，七月份既月供入貨價相對較平。

939 呢個月會派股息，收到既現金流會儲起佢，慢慢地投放返去月供市場，保留跌市時入貨的能力 !    

823 就已經申請左以股代息，計算後應該會有五十零股，希望愈儲愈多啦！

66 基本因素冇變，繼續月供，股息幫補下車費既加幅啦！

呢個月公司亦公布咗人工加幅及花紅數目，係預期既上限，經計算後，宜家既總月供金額應可維持到今年年尾！ 明年既預算，再諗吧！

月供股票 201306

簡評: 939 除淨後第一次入貨, 加上大市調整, 入貨價係近期中最平, 非常滿意! 823 宣布派未期息$0.7538 , 19號除淨, 決定以股代息,近期收息股亦因外圍影響而調整,不過對我黎講, 又係一次低位買入的機會! 由於七月會收到股息, 加上公司亦會係七月出花紅,所以現金流不變,繼續月供! 

月供股票 201305

939 除淨前最後一次入貨(6月13日 除淨), 初步計算後, 扣除稅收同埋收續費後, 7月時會收到大約2.8萬利息! 宜家諗緊將D息去買一手823 好丫定買3-4手939 好, 各BLOG友有咩意見呢?

由於A50 係年初升過一輪後又跌返, 宜家總數仲係負數-_- 仲未賣得, 唯有等等等….

到目前為止, 總投資回報息率約3.9%, 回報只可以當作為一年出一次”花紅” 距離財務自由(當糧出)的路仲係好遠, 不過基本因素(現金流)不變, 終有一日會成功的!

月供股票 201304

簡評:
 預計派息增加係因為買入數量(939)增加而未到除息日. 而823 和 66 佔月供股票的百分比亦增加, 目標係3頭馬車進行計劃! A50 會待大陸市況好轉時沽出, 初步計是換馬至2800 及為823 & 66 加注!財務自由的道路每個人都不同, 不過條條大路通羅馬, 揀一條既舒服又簡單的方法去完成, 我相信係會事半功倍! 當然, 如何優化計劃也是一項重要的工作 (研究中)…..